حاب اقول عالسريع بس ان العربي بتاعي مكسر شوية، انا بعرف اتكلم مع الناس بس الكتابه بتوترني، عشان كده هحاول اكتب في المذكرة دي بالعربي اكتر
مفيش حاجة مهمة عايز اقولها اليوم بس كنت متحمس اني اجرب اكتب هنا عشان صفحة جديده وكده، فقررت اني هتكب اي حاجة تيجي في بالي 🤷♂️
انا خلصت ثانوية عامة من كم شهر بس لسه فاضل عندي امتحانين كيميا في الـ IALs لانها صعبة أوي :( كان المفروص اعملهم السنة الي فاتت بس اجلتهم عشان مكانش ينفع اذاكر كتير الصيف الي فات، فأنا قاعد بذاكرلهم من شهرين تقريبا ولسه كمان شهر عشان اخلصهم وابقى بجد اتخرجت واخيراا
واحنى لسة على موضوع الدراسه، انا بفكر ادخل قسم هندسة (يمكن معماري) بس خايف منها TT مش متأكد انا هدخل جامعة ايه اصلا، معنديش options كتير لان اغلبية الجامعان الخاصة بعيدة حبتين عن بيتي ومش كل الاقسام تناسبني..
الحلو في الهندسة المعمارية ان صاحب ابويا بيشتغل مدير قسم في واحدة من الجامعات، فعلى الاقل عندي حد اعرفه ومش هبقى تايه
الفترة دي بدأت اسمع لـ Malice Mizer كتير، بعرفهم من كم سنة بس ولا مرة فكرت اني اسمع اغانيهم قبل الاسبوع ده، وانا ازاي معملتش كده من زمان؟!؟! بيعجبتي ستال الـ visual kei اقوي
تاني حاجة بقيت مهتم بيها الفترة دي هي SCP Find Us Alive، هي بودكاست عبارة عن قصة لها علاقة بالـ SCP Foundation وعجبتني كتير ^^ مسمعتش غير يمكن ٢٠ حلقة من البودكاست ومش قادر استنا اسمع الباقي. دلوقتي المفضل عندي هو Dumptruck بحب اصوات المشي بتاعته - لسه مش عارف هو هيحصله ايه بس خايف ان نهايته (لو ليه نهاية) هتكون حزينة :(
مفيش حاجات كتيرة بتحصل في حياتي الفترة دي ومعنديش حاجة تانية اقولها. اظن اني هعمل صفحة اتكلم فيها عن هواياتي والحاجات دي عشان مرغيش عنهم هنا اكتر من اللازم، لسة بدأتش شغل فيها بس ان شاء الله قريب
معرفش انا هكتب هنا كتير او لا بس على العموم انا استمتعت بالكتابة هنا النهارده 3:
اخر حاجة؛ انا مش مصري ومش عايش في مصر، هي اللهجة الوحيدة اللي انا مرتاح اتكلم بيها. لو انا بتكلم زي الروبوت او بستعمل كلام قديم هو ده السبب، انا عمري ١٨ وبتكلم زي الناس ولله TT
باي باايي